Jóladagatal 2025 – 24 laxaflugur

24 laxaflugur til jóla – 2025

Í jóladagatalinu eru 24 flugur til jóla, ein fyrir hvern dag frá 1. til 24. desember.

Allar flugurnar í dagatalinu eru vandaðar og vel hnýttar flugur af fluguhnýturunum okkar hjá Shadow Flies.
Að þessu sinni eru fjölmargar nýjar flugur sem slegið hafa í gegn á bakkanum en ekki sést í jóladagatölunum okkar áður.
Hverri flugu fylgir QR kóði sem færir eigandanum frekari upplýsingar um fluguna, upplýsingar um hvernig á að veiða með henni, upplýsingar um höfund hennar eða jafnvel uppskrift og skemmtileg frásögn.

Hvað aðhafast þeir á sumrin?
Veiða auðvitað í heiðavötnum, ám og lækjum.
Hinn frábæri teiknari Halldór Baldursson hjálpaði okkur að draga upp fáeina veiðisveina við uppáhalds iðju sína á sumrin en allar frekari upplýsingar um veiðisveinana er að finna í dagatölunum sjálfum.
Hönnuðurinn okkar hann Heimir Óskarsson sá um heildar útlit dagatalanna, 24 laxaflugur til jóla og 24 silungaflugur til jóla og snillingarnir hjá Shadow Flies sjá um vel hnýttar, fallegar og umfram allt veiðnar flugur.

Ein afar sérstök fluga hefur verið hönnuð og hnýtt fyrir dagatölin en við köllum hana jólafluguna.  Flugan sú birtist í 24. hólfi dagatalsins.  Í fyrra var það snjókarl og jólatré árið áður.  Við höfum það fyrir satt að veiðst hafi ágætlega á jólatréið.
Það verður spennandi að sjá hver jólaflugan verður í ár.

Jóladagatalið 24 laxaflugur til jóla er komið og tilbúið til afgreiðslu strax í dag í Síðumúla 8 og hér í veiðibúð allra landsmanna á netinu.
Sama verð um allt land því við borgum flutningskostnaðinn á næsta pósthús við þig.
Allar pantanir sem berast fyrir klukkan 13 sendum við samdægurs eða næsta virka dag.