Brá

Brá

Hönnuður: Einar Páll Garðarsson

Það eru einhverjir töfrar í flugunum hans Palla en frá honum hafa komið margar grimmsterkar flugur síðustu árin.  Með fullri virðingu fyrir öllum fluguhönnuðum seinni ára er Palli að okkar mati einhver sá albesti.

Brá er í sérstöku uppáhaldi hjá okkur og ekki síst þegar hún er hnýtt á smæstu króka eins og hér.

Brá er birtufluga.  Við ráðleggjum viðskiptavinum okkar að setja þessa flugu fyrst undir þegar veitt er í litlu vatni undir bláum, sólríkum miðsumars himni.  Kasta uppí strauminn og strippa hratt nður hylji og strengi.  Bingó!

Allar góðu veiðiflugurnar finnur þú á stóra flugubarnum í Veiðihorninu Síðumúla 8 en fyrir veiðikonur og veiðimenn sem hnýta vilja sínar eigin flugur er uppskriftin hér:

Brá
Krókur – VMC 9617N örþríkrækja.
Tvinni – Svartur UNI 8/0.  Á allra minnstu flugur þarf að fara í grennri tvinna svo sem Veevus eða Semperfli Nano Silk
Stél – Hvítt hár t.d. af kálfshala eða kanínu.  Einnig má nota hvítar fanir af hanafjöður.  Tvær ræmur af Krystalflash.
Vöf – UNI gullvír.
Búkur – UNI flatt gulltinsel.
Vængur – Örfá hár úr sama efni og í stéli.
Hringskegg – Fanir af svartri hanafjöður.
Haus – Svartur.