Dýrbítur Svartur með gúmmílöppum

Dýrbítur Svartur með gúmmílöppum

Svartur Dýrbítur er ýmist hnýttur með eða án gúmmílappa.

Upprunalega hnýtti Siggi Páls hana án gúmmílappanna.  Siggi Páls var auðvitað Sigurður Pálsson málari, sá mikli fluguhnýtari og veiðimaður.

Dýrbíturinn varð til við Litluá í Kelduhverfi en þar ku vera svo stór urriðastofn að veiðimönnum er bráð hætta búin og þurftu helst að hnýta fluguna á á bak við bíl að sögn húmoristans Sigga Páls heitins.

Fyrir tæpum tuttugu árum gekk dýrbítur laus í sveitinni og hafði tekið mörg lömb.  Það kom svo í ljós síðar að það var sjóbirtingur í Litluá sem hafði tekið lömbin og fékk flugan nafn sitt þess vegna.

Siggi Páls sagði okkur í Veiðihorninu einhverntíman að Dýrbíturinn ætti ekki heima í flokki straumflugna heldur í flokki mannskaðaflugna.

Förum varlega á veiðislóð.